• Сашо Поповски
Сопственикот на Хјустон Рокетс, Тилман Фертита, ја потврди разделбата со првиот тренер Мајк Д'Антони.
Тоа беше очекувано со оглед на новиот неуспех на тимот во НБА плеј-офот. Оваа година „ракетите“ застанаа во полуфиналето на Западот, каде загубија со убедливи 4-1 против Лос Анџелес Лејкерс.
Mike and Laurel D’Antoni statement to ESPN on departure from Rockets pic.twitter.com/XypyT8bgC0
— Adrian Wojnarowski (@wojespn) September 13, 2020
Хјустон форсираше брза игра без класичен центар и се потпираше на шутевите за три поени. Првите ѕвезди Џејмс Харден и Расел Вестбрук беа конкурентни само на првиот меч, а потоа беа прегазени од Леброн Џејмс и соиграчите.
Во регуларниот дел од сезоната во изминатите четири години, Д'Антони запиша 217 победи и 101 пораз. Меѓутоа амбицијата на клубот е да стане НБА шампион, што стратегијата на 69-годишникот не успеа да го донесе.
