• Сашо Поповски
Италијанскиот новинар Лука Д'Алесандро пишува дека Црвена Звезда се интересира и е во преговори со Ненад Димитријевиќ.
KK Crvena Zvezda Belgrade in talks with Nenad Dimitrijevic
— Luca D'Alessandro (@LucaDa18) July 24, 2022
Македонскиот кошаркар моментално настапува за Валенсија. Во претходната сезона запиша просек од 9,4 поени и 4,2 асистенции по натпревар. 24-годишникот игра одлично во изминатите неколку сезони. Тоа му носи интерес од српскиот гигант, кој наводно го посакува во своите редови.
Хувентуд од Бадалона беше претходниот тим за кој настапуваше Димитријевиќ. И да остане во Валенсија и да премине меѓу „црвено-белите“ од Белград, македонскиот интернационалец следната сезона првпат ќе игра во Евролигата.
