• Горан Упале
Индијана поведе против Њујорк во финалната серија во Источната конференција на НБА, откако по продолжение го доби првиот натпревар на гостински терен со 135-138. Во регуларниот дел натпреварот заврши со резултат 125-125.
Никси водеа со 15 поени на помалку од три минути до крајот на регуларното време и со девет поени на 58 секунди до крајот, но Индијана успеа да се врати. Прво избори продолжение, а потоа предводена од Арон Насмит, кој постигна три тројки во последната минута, стигна до голем „брејк“ и водство во финалната серија.
Индијана беше предводена од Тајрис Халибартон со 31 поен и 11 асистенции и Арон Насмит исто така беше фантастичен со 30 постигнати поени.
Џејлен Брансон беше најпрецизен во таборот на Њујорк со 43 поени, а Карл-Ентони Барансон имаше 35 поени и 12 скока. Вториот натпревар се игра во петок навечер, а домаќин повторно ќе биде Њујорк.
