• Саше Љолес
Управата на Чикаго Булс реши да му понуди нов договор на тренерот Били Донован, кој треба да остане на клупата до крајот на сезоната 2027/28, јавија американските медиуми.
Донован е поранешен НЦАА шампион со екипата на Флорида и ги тренираше славните Ал Хорфорд и Јоаким Ноа, а потоа беше главна алка во формирањето на пеколното трио на Оклахома - Кевин Дурент, Џејмс Харден и Расел Вестбрук.
Во 2020 година премина во Чикаго и оттогаш се обидува да создаде конкурентен тим, а управата верува во неговите способности и затоа реши да ја продолжи соработката.
Познат е како специјалист за „пик-ен-рол“ напади, но важи и за тренер кој секогаш има амбиции да изгради екипа со шампионски „калибар“. За неговите услуи се интересираа и Њујорк Никс, но не добија дозвола за преговори од управата на Чикаго.
ФОТО/PHOTO: Nba.com/Bulls
