• Горан Упале
Екипата на Црвена Звезда пропушти голема шанса да продолжи со позитивната серија во Евролигата, откако од гостувањето кај Асвел се враќа со минимален пораз од 77-74. Белградскиот гигант важеше за благ фаворит на овој натпревар, но иако одигра под очекувањата, во финишот испушти предност за победа. Во последната минута од натпреварот се влезе со 73-74 за Црвена Звезда, но домаќинот беше посмирен и попрецизен во клучните моменти и извојува голем триумф.
Кај победничкиот тим најдобар поединец беше Меладон со 26 поени, додека за српскиот тим се истакна Петрушев со 18 поени и 7 скока.
Кошаркарите на Олимпијакос во крајно возбудлив натпревар го совладаа МакабиТел Авив во Белград со 94-91. „Црвено-белите“ од Пиреја до посакуваниот успех стигнаа по пресврт во вториот дел и со тоа го забележаа петтиот триумф во низа во Евролигата. .
Кај Олимпијакос се истакна Саша Везенков со 21 поен, четири скока и две асистенции, а го следеше Еван Фурние со 20 поени, четири скока и две асистенции. Кај Макаби се истакна Џејлен Хорд со 20 поени, четири скока и една асистенција, а одличен беше и Леви Рендолф со 15 поени и пет скока.
Кошаркарите на Баерн Минхен ја извојуваа победата на вечерта во Евролигата, откако во германското дерби со убедливи 115-86 славеа над Алба Берлин и со тоа им се вратија на успесите во европската елита.
Уште се радуваа Анадолу Ефес во Мадрид со 64-74 и Монако во Виторија против Басконија со 75-87.
