• Иван Димовски
Бутел 3х3 беше достоен репрезент на Македонија на Red Bull Half Court World Finals, турнир во баскет 3х3 кој се одржа во американскиот Њујорк.
На овој турнир учествуваа 16 најдобри тимови од целиот свет кои претходно низ разни турнири се изборија за пласман на финалното натпреварување. Бутел 3х3 одигра одличен турнир, иако беше веројатно потценет од ривалите бидејќи беше без замена.
Групната фаза бутелчани ја заврши на првото место со победи над тимови од Филипините и Австралија.
Потоа во нокаут фазата македонскиот тим налета на претставник од Србија во четвртфиналето, одигра навистина тврд меч и машки се бореше до крај, но претрпе пораз и елиминација.