• Зоран Мишевски
По постојаниот прогрес на клубот, НБА-франшизата Сакраменто Кингс се одлучи за продолжување на соработката со тренерот Браун.
Генералниот менаџер на Сакраменто Кингс, Монти Мекнер, не го крие задоволството што тренерот, Мајк Браун, потпиша нов тригодишен договор вреден триесет милиони долари.
„Мајк заврши голема работа и продолжувањето е сосема заслужено“, рече Мекнер.
Браун во последните две сезони со Сакраменто имаше 94 победи и 70 порази. Искусниот тренер претходно работеше во Кливленд, и Лос Анџелес Лејкерс.
