• Горан Упале
Кошаркарите на Монако ја совладаа Басконија со 92-84 во 25. коло од Евролигата и останаа на врвот на табелата во елитното натпреварување.
Ова беше трета последователна победа за тимот на Василис Спанулис, која, како и многупати досега, ја одбележа Мајк Џејмс, овојпат со 19 поени и 6 асистенции. По оваа партија Џејмс ќе остане запаметен во европската кошаркарска елита, како првиот играч во историјата на Евролигата кој постигнал над 5.000 поени.
THE FOUNDER of the EuroLeague 5K points club - Mike James pic.twitter.com/utJBE2jq2i
— BasketNews (@BasketNews_com) February 5, 2025
Неговите врзани поени му помогнаа на Монако да влезе во клучна серија кон крајот на натпреварот, а покрај Американецот одличен кај победничкиот тим беа и Диало со 15 и и Стразел и Папајанис со по 12 поени.
Кај гостите Трент Форест беше на висина на задачата со 15 поени, 5 асистенции и 5 скока, а солиден учинок имаше и Хол со 13 поени и 7 скока.
