• Саше Љолес
Џастин Андерсон е ново име во таборот на шпанскиот гигант, Барселона. Каталонците решија да потпишат едногодишен договор со американскиот шутер, кој пристигнува од редовите на Валенсија.
30-годишниот плејмејкер се поврзуваше со премин во Олимпија Милано и во Виртус Болоња, но сепак стави потпис на договорот со Барса, каде се очекува да биде повеќе од солидно засилување. Минатата сезона во Евролигата просечно бележеше 6,1 поен по натпревар, додека во шпанското првенство беше за нијанса подобар, со учинок од 8,5 поени и 2,3 скока.
L’aler nord-americà, de 30 anys i 1.98 metres, signa per una temporada
https://t.co/3w0dlK0ap3 pic.twitter.com/GawfluL9Uf
— Barça Basket (@FCBbasket) July 25, 2024
Во кариерата настапуваше за НБА тимови како Далас, Филаделфија, Атланта, Бруклин, Кливленд и Индијана, а најдобар НБА скор имаше во сезоната 2016/7, кога во дресот на Филаделфија просечно постигнуваше 8,5 поени по натпревар.
