• Саше Љолес
Кошаркарскиот клуб Барселона официјално го назначи Чеви Пужол за нов спортски директор. Тој потпиша тригодишен договор и на функцијата го наследува легендарниот Хуан Карлос Наваро, кој ќе продолжи да работи како амбасадор на клубот.
Пужол пристигнува од Басконија, а претходно се прослави во Манреса, каде што важеше за еден од најдобрите спортски директори и скаути во Шпанија. Особено е ценет по откривањето и развојот на таленти како Чима Монеке и Силвиен Франсиско.
Пред него е сериозна задача, бидејќи Барселона зад себе има сезона без освоен трофеј. Каталонците не успеаја да стигнат до плејофот во Евролигата, а во финалето на шпанското првенство беа поразени од Валенсија.
Каталонците веќе се засилија со неколку квалитетни кошаркари, најавувајќи борба за највисоките позиции во елитното натпреварување.
