Балканска трка за МВП во НБА, Јокиќ прв фаворит уште во ноември!

Српскиот кошаркар Никола Јокиќ одново го привлекува вниманието на јавноста во Соединетите Американски Држави. Асот на Денвер Нагетс прикажува феноменални партии и уште на крајот од ноември ја има фаворитската улога за МВП-признанието, кое го добива најкорисниот играч во регуларниот дел од НБА сезоната. 

Интересно е што минатогодишниот освојувач, Џоел Ембид, во моментов има коефициент од 7,9 за „одбрана“ на овој трофеј, додека коефициентот за Јокиќ е само 2,8, што го прави апсолутен фаворит во оваа трка. Најблизу до Србинот е брилијантниот Лука Дончиќ од Далас, кој има коефициент од 6,5 и токму меѓу нив се очекува да се бие трката за оваа титула до самиот крај. 

Новиот МВП ќе биде познат по одигрувањето на сите 82 кола од регуларниот дел и ќе биде прогласен веднаш по почетокот на плеј-офот и разигрувањата за шампионската титула. Доколку Јокиќ и Дончиќ продолжат со одличните изданија, ништо чудно да видиме „екс-ју“ битка за вредното признание кое го доделува најсилната светска кошаркарска лига. 

Најнови вести од
НБА, САД