• Горан Упале
Турција долго време беше во предност во финалето на Евробаскетот, но попушти во финишот и ѝ го предаде трофејот на Германија.
И покрај ова, навивачите им приредија незаборавно добредојде на вицешампионите, а таа поддршка и љубов дополнително ги разбудија емоциите во турскиот тим. Селекторот Ергин Атаман не можеше да ги скрие солзите.
„Му благодариме на турскиот народ, кој нè следеше и нè бодреше во текот на целото првенство. Овие момци го претставуваа нашето знаме со огромна решителност, дадоа сè од себе до последната секунда. Горди сме, но лично сум многу тажен. Историјата ги памети шампионите, а ние за малку го пропуштивме тоа“, рече Атаман, бришејќи ги солзите.
Ergin Ataman could not hold back his tears before his speech in front of the Turkish people upon the arrival of the team in Türkiye #Eurobasket
(via @buzzspor /IG) pic.twitter.com/ToyrxMNCM5
— Eurohoops (@Eurohoopsnet) September 15, 2025
Извинувајќи им се на навивачите и на турскиот народ, тренерот изрази надеж дека овој сребрен медал би можел да се претвори во злато во блиска иднина.
ФОТО/PHOTO: tbf.org.tr
