Хокеј на мраз

Популарното скопско лизгалиште под Кале, во следните 30 години ќе го управуваа Федерацијата за лизгачки спортови. Во соопштението до медиуми на ФЛС, се вели дека вчера во просториите на Јавно претпријатие за стопанисување со спортски објекти е потпишан договор за долготраен закуп.

Еден од најдобрите руски хокеари и стрелци на сите времиња, хокеарот на Вашингтон, Александар Овечкин собори историски рекорди и стана третиот играч во историјата на НХЛ лигата со постигнати најмалку 25 погодоци во 15 сезони по ред.

Првиот хокеарски натпревар во 2020 година ќе влезе во историјата на американско-канадската НХЛ лига. Натпреварот меѓу Далас Старс и Нешвил Предаторс стана втор по посетеност во историјата на лигата.

Новото издание на „Ајс Фестивал“ кој традиционално се одржува во Скопје го имаше своето отворање, во склоп на хокеј-арената која е во рамки на „А1 Арената“. Први на мразот излегоа екипите на Вардар и Торпедо Букурешт и пред љубителите на овој спорт покажаа што знаат. Главниот град на Македонија ќе биде домаќин на уште неколку средби, а учесници се уште два тима - младата селекција на Македонија до 23 години, како и еден микс од интернационални хокејари и вљубеници на хокејот од нашата земја. Во овој интеранционален тим ќе има и женска петорка која дополнително ќе ја направи попривлечна оваа манифестација.

Капитенот на актуелниот освојувач на Стенли купот, Сент Луис Блус, Алекс Пјетранџело најверојатно го напушта клубот. Играчот кој веќе 11 години настапува за Сент Луис, се очекуваше да потпише нов договор во вредност од над осум милиони евра, но се поизгледно е дека тоа нема да се случи. 

Чешката фудбалска легенда Петр Чех реши да ги соблече ракавиците и да замине во фудбалска пензија, меѓутоа по кратко време пак му се врати на спортот, но нема да се дружи со „бубамарата“.

Хокеарите на Сент Луис се на чекор до титула во НХЛ лигата и најголем подвиг во историјата на американско-канадскиот шампионат во хокеј на мраз. Тие чекорат од последното место во својата конференција на кое се наоѓаа во јануари на само една победа до пехарот.

Хокеј репрезентацијата на Финска приреди големо изненадување и откако го исфрли бранителот на титулата Шведска, вечерва ја елиминира и Русија во полуфиналето на Светското првенство во Словачка. Така, Финците се враќаат во финале еден Мундијал по неколкугодишно отсуство, конкретно по 2011 година кога и последен пат беа светски прваци.

Русија ја елиминира селекцијата на САД, победувајќи ја со 4-3 во четвртфиналето на Светското првенство во хокеј на мраз во Братислава. Никита Гусев со еден гол и две асистенции беше најзаслужен за победата на „Зборнаја“.