• Иван Димовски
Флорида Пантерс убедливо го совладаа Торонто Мејпл Лифс со 6-1 во седмиот натпревар од второто коло на НХЛ плејофот, но мечот го одбележа несекојдневен инцидент.
Судијата Крис Руни доби ненамерен удар со палка во лицето од играчот на Флорида, Нико Микола, само 13 секунди по почетокот на втората третина. Крвав и со помош од медицинскиот тим, Руни ја напушти арената и доби неколку шевови.
Според НХЛ-протоколите, натпреварот продолжи со заменски судија – Гарет Ренк, додека остатокот од судискиот тим остана непроменет. Инцидентот брзо се прошири на социјалните мрежи, со многу пораки за брзо закрепнување на Руни.