• Мартин Танасковски
Хокеарската репрезентација на Финска го врати светското злато во своја сопственост и во финалниот натпревар беше подобра од Канада, која ја совлада со 4-3 по продолжение (3-3 регуларен дел).
Натпреварот се отвори во третиот период, откако по воведните два, Канаѓаните имаа предност со 0-1 благодарение на голот на Козенс. Финска направи пресврт со три гола во низа на Гранлунд и Армиа, па следеше супер-финиш на Канада преку кој се изедначи на 3-3 во една минута и мечот замина во продолженија.
Единствениот гол во продолженијата го постигна Манинен во 6. минута. Ова беше трето финале по ред во кое играат Финска и Канада. На претходното СП, Канада беше подобра од Финска во финалето, додека во 2019 година, Финците го совладаа овој ривал.
СП не се одржа во 2020 година поради пандемијата со коронавирусот. Во мечот за третото место, селекцијата на Чешка беше подобра од САД (8-4).