• Зоран Мишевски
Четирикратната олимписка победничка во гимнастика, Симон Бајлс од Соединетите Американски Држави побара независна истрага во случајот со сексуално злосторство на докторот на репрезентацијата Лари Насер. Младата 23-годишна американска гимнастичарка беше меѓу првите која ги откри злоставувањата на докторот, а потоа беше констатирано дека преку 300 гимнастичарки биле жртви на злогласениот доктор.
Федерацијата на гимнастички спортови на САД понуди сума од 215 милиони долари на сите злоупотребени гимнастичарки, а Насер заработи затворска казна меѓу 40 и 125 години. Според проценките, 517 спортистки биле злоставени меѓу 1994 и 2014 година од 56-годишниот доктор.
Бајлс сепак бара нова независна истрага во која ќе бидат продлабочени случаите и подетално ќе бидат анализирани злоделата на Насер. Се претпоставува дека обештетувањето на злоставените спортистки ќе биде поголемо од исплатената сума.