ВИДЕО: Волшебниот Рикардињо ја урна Барса и на Интер му донесе нова шампионска титула!

• Горан Упале

Футсал екипата на Интер Мувистар е шампион на Шпанија, откако во големото финале беше поуспешна од лутиот ривал Барселона. 

Во одлучувачкиот натпревар од финалната серија на плеј-офот на шпанското футсал првенство, Интер славеше победа од 2-1, а најзаслужен за истата беше првата ѕвезда на тимот Рикардињо. Човекот кој одушевува со своите футсалски магии, синоќа сервираше уште една и во самиот финиш од мечот постигна спектакуларен гол, кој значеше победа и нова титула за својот тим. 

На овој начин шпанскиот тим ја заокружи фантастичната сезона, освојувајќи три трофеи. Покрај пехарот од домашното првенство се закити и со оној на Купот на Шпанија, како и со најпрестижниот од УЕФА футсал Куп (Лигата на шампионите).