ВИДЕО: Шпанија пресилна за Рикардињо и соседите

• Александар Ковачев

Во второто четвртфинале на ЕП во футсал во Белград репрезентацијата на Шпанија ја оправда фаворитската улога и заслужено славеше над Португалија со 6-2 (3-0).

Шпанија уште на стартот покажа дека е поквалитетен тим и не им дозволи на репрезентативците на Португалија да направат посериозна шанса пред нивниот гол. Првиот гол го постигна Мигелин во 13. минута, на 2-0 зголеми Ривилас во 15. минута. Сигурните 3-0 пред одморот ги постави Алекс во 18. минута, по грешка на Паулињо.

Во вториот дел Португалија заигра многу подобро, па во 23. минута најдобриот нивни играч намали на 3-1, а Шпанија по 30 секунди повторно имаше +3 (4-1), по голот на Раул Кампос. Рикардињо пак со магичен гол даде каква таква надеж за својата репрезентација во 26. минута.

Но се чини дека секоја надеж згасна по погодокот на Алекс за 5-2 во 35. минута. Конечните 6-2 ги постави Ривилос на 30 секунди до крајот. Шпанија во полуфиналето ќе го чека подобриот од утрешното полуфинале помеѓу Италија и Казакстан. Претходно пласман во полуфиналето обезбеди и домаќинот Србија со гол во последната секунда против Украина.