• Мартин Танасковски
Екипата на КМФ Велес е првак во македонскиот футсал, откако одигра потребно реми со Шкупи (3-3) пред својата публика, во меч во кој имаше многу хаос и тензија.
На велешани им беше потребен само бод и ја остварија замислата. Наместо футсал, во финалето имаше повеќе тензија, како на трибините, така и на теренот.
Домашните навивачи го одбележаа мечот со многу чести вербални расправии со гостинските футсалци, кои донесоа националистички скандирања и пцовки, а двата тима на теренот играа доста остро и судиите имаа доста работа.
Во одредени моменти за да се смири ситуацијата, требаше да интервенира и полицијата.