Судбина или само случајност? Тоа што на Португалците им се случи на ЕП во фудбал, им се случи и на ЕП во футсал

• Горан Упале

Футсал репрезентацијата на Португалија синоќа стигна до толку посакуваниот трофеј од едно Европско првенство. „Европските Бразилци“ во големото финале со минимални 3-2 славеа над големиот ривал Шпанија, а овој успех предизвика големо внимание кај светската спортска јавност. 

Дали ова е игра на судбината или само случајност, веројатнo никој не може да докаже, но фудбалската репрезентација на Португалија на последното Европско првенство во Франција го освои златниот медал со гол во продолженијата, а во регуларниот тек останата без својот најдобар фудбалер, Кристијано Роналдо. 

Токму тоа се случи и синоќа, најпрво се повреди најдобриот футсал играч на светот, Рикардињо, а потоа Португалија со гол во продолжението стигна до посакуваната титула од едно Европско првенство.