• Горан Упале
Започнаа подготовките на нашата најдобра футсал репрезентација за квалификацискиот турнир за пласман на Европското првенство 2018 година во Словенија. Подготовките се одработуваат во Дојран, а на турнирот кој од 7 до 11 април ќе се одржи во Алмати, Казахстан нашата репрезентација ќе се соочи со Чешка, Данска и домашниот Казахстан.
На отворањето Македонија ќе игра со домаќинот и прв фаворит за првото место, селекцијата на Казахстан, на 9 април ќе се соочиме со Чешка, а последниот дуел го играме на 11 април против репрезентацијата на Данска.
Селекторот на футсал репрезентацијата на Македонија Иван Божовиќ за турнирот во Алмати ќе смета на следните играчи: Антонио Петровски, Илчо Удовалиев, Влатко Петровски, Леонид Ристановски, Зоран Левески, Данило Де Соуза, Ферид Агуши, Даниел Де Соуза, Игор Леовски, Мартин Тодоровски, Драган Петровиќ, Таулант Исмаили, Адријан Мицевски, Садат Зибери, Александар Глигоров, Иван Крстевски и Еркан Сефари.