• Иван Димовски
Футсалерите на Палма дојдоа до втората европска титула, откако во финалето кое се одигра во ерменски Ереван ја совладаа Барселона со убедливи 5-1.
Каталонскиот гигант успеа да поведе во 15. минута со погодокот на Адолфо, меѓутоа тогаш ривалот од Палма де Мајорка се разбуди и го сврте мечот. Стрелци во убедливата победа беа Ромули, Вилиан, Чагуиња и двапати Негуињо.
Палма така успеа да го одбрани трофејот кој и лани го крена откако подобро шутираше седмерци од Спортинг.
Во португалското мало финале третото место во Еверван ѝ припадна на Бенфика која со 6-3 го совлада Спортинг.