ВИДЕО: Шпанија преку Украина обезбеди полуфинале на ЕП во футсал

• Александар Ковачев

Футсал репрезентацијата на Шпанија е последниот полуфиналист на Европското првенство во Словенија, откако во четвртфиналето ја совлада Украина со 1-0.

„Црвената фурија“ одигра натпрeвар во кој имаше доминација и на крајот сосема заслужено триумфира, иако според резултатот тоа изгледа потешко од очекуваното. Голот кој Шпанија ја одведе во полуфиналето го постигна Пола во 18. минута и на крајот се покажа како доволен за пласман меѓу најдобрите четири во Европа.

shpanija.jpg

Шпанија во битката за финале ќе игра против репрезентацијата на Казахстан и е голем фаворит за пласман во финалето. Во второто полуфинале се среќаваат репрезентациите на Португалија и Русија.