• Зоран Мишевски
Македонскиот шампион во футсал, Шкупи го претрпе првиот пораз во рамките на квалификациите за Лигата на шампионите во футсал во австрискиот Линц. Чаирчани загубија од Луксол од Малта со 9-2 во рамките на второто коло.
Уште во првото полувреме противникот на Шкупи дојде до огромна предност, која до крајот беше ненадоместлива.
По убедливата победа на стартот против Макаби и неочекуваниот пораз од Луксол билансот на Шкупи е една победа и еден пораз.