Русија минимално го совлада Казахстан и ја освои бронзата на ЕП во футсал

• Александар Ковачев

Футсал репрезентацијата на Русија во мечот за третото место на Европското првенство во Словенија го совлада Казахстан со 1-0 и стигна до бронзен медал. Интересно е што денешниот натпревар е со најмалку голови во историјата на шампионатите, кога во прашање е дуел за третото место.

Единствениот погодок за Русите го постигна Едер Лима во 29. минута, а овој гол беше негов петти на шампионатот и најверојатно на крајот ќе заврши како втор стрелец. Русија на претходните три европски шампионати го освојуваше второто место, а сега мораше да се задоволи со европската бронза.

Во финалето на Европското првенство се среќаваат селекциите на Шпанија и Португалија.