Општ хаос на футсал натпревар во Хрватска: Бед Блу Бојси влегоа на теренот и го нападнаа противничкиот голман

На вчерашниот дуел помеѓу футсал екипите на Динамо и Национал настана општа тепачка, која ја започнаа навивачите на домашната екипа Бед Блу Бојс. 

Навивачите најпрво го нападнаа голманот на Национал, Иван Павлиќ, по што претседателот на екипата ги повлече своите играчи во соблекувалната и натпреварот беше прекинат. Фановите беа испровоцирани токму од претседателот на гостинската екипа, кој постојано се бунеше кај главниот судија. 

Според зборовите на гостинските играчи најмногу биле навредувани српските играчи, кои биле испратени со пораки: „ќе ве убиеме“, „ќе ве заколиме“ и „Србе на врбе“. Полицијата ја затвори салата и не дозволуваше никој да влезе се додека не се идентификуваат напаѓачите. Во моментот на прекинот, Национал водеше со 0-2.