• Мартин Танасковски
Екипата на Милан е четвртиот учесник во Лигата на шампионите во Серија А. Со дерби-победата над Јувентус (0-1), „росонерите“ го потврдија учеството во елитата уште една сезона во низа.
Јувентус имаше шанси да остане во игра за Лигата на шампионите само со победа, но откако не го направи тоа, „бјанконерите“ во последното коло ќе играат за Лигата на Европа. Падна еден погодок на мечот во Торино, во првото полувреме, доволен за победа.
- Извештај од натпреварот:
Единствен стрелец на арената на Јувентус беше Оливие Жиру. Францускиот центарфор пак покажа феноменални способности со глава и погоди во 40. минута во мрежата на „бјанконерите“, по асистенција на Калабрија. Импресивно е што корпулентниот шпиц дојде до гол од првиот контакт со топката во казнениот простор на мечот.
Со оваа победа, Милан им се приклучи на Наполи, Лацио и Интер во ЛШ. Во последната рунда за Лигата на Европа во калчото борба ќе водат Аталанта (61 бод), Рома (60 бода) и Јувентус (59 бода).
