• Горан Упале
Марк Кукуреља ќе стане нов играч на Реал Мадрид, објави италијанскиот трансфер-инсајдер Фабрицио Романо. Шпанскиот репрезентативец ќе го напушти Челзи и ќе се пресели во Мадрид по завршувањето на Светското првенство, а Реал ќе ја активира откупната клаузула во износ од 50 милиони евра.
Договорот е постигнат изненадно и без најава, а Романо веќе го потврди со своето препознатливо „here we go“, што значи дека трансферот е практично завршен. Наводно веќе постои усмен договор меѓу сите вклучени страни. Според достапните информации, Кукуреља бил изрична желба на Жозе Мурињо за позицијата лев бек.
Доаѓањето на Кукуреља би претставувало значително засилување за Реал Мадрид. Станува збор за клучен играч и во Челзи и во шпанската репрезентација, а со негов ангажман Реал би добил проверено и квалитетно решение на левата страна од одбраната.
27-годишниот Кукуреља во Челзи пристигна во 2022 година од Брајтон во трансфер вреден 65 милиони евра. Оттогаш запиша 163 настапи за лондонскиот клуб, со девет голови и 13 асистенции.
