• Зоран Мишевски
Рускиот победник на Купот, Зенит Санкт Петерсбург ја запиша и втората победа во групата Л на Лигата на Европа, откако го совлада Реал Сосиедад на својот нов стадион со 3-1 (2-0).
Најнапред по грешката на Зубелдија, аргентинското засилување Ригони со удар по земја го совлада сонародникот Рули и Зенит поведе (1-0). На половина од играта во вториот дел, на смешен начин голманот на Шпанците, Рули дозволи топката да го прескокне и на Кокорин му преостана само да ја втурне топката во празната мрежа (2-0).
Во последните мигови од првиот дел, момците на тренерот Еузебио го намалија домашното водство со голот Диего Љоренте во 41. минута.
Добрата форма момците на Манчини ја искористија на почетокот од вториот дел, кога Кокорин со својот втор гол ја врати дистанцата од два гола (3-1). По контра нападите во вториот дел Русите можеа да постигнат уште некој гол, но резултатот не се менуваше.
Во третото коло по три недели, Вардар го дочекува Реал Сосиедад, а Зенит во Русија ќе го нагости Розенборг.
