• Саше Љолес
Холандскиот репрезентативец Чави Симонс официјално стана играч на германскиот РБ Лајпциг, клуб каде две сезони настапува како позајмен фудбалер од редовите на ПСЖ.
Бундеслигашот одамна најави дека е силно заинтересиран за перманентен договор со офанзивецот, а сега конечно дојде и до договор со „светците“ од Париз, кои за неговите услуги ќе инкасираат 55 милиони евра.
Xavi Simons becomes RB Leipzig player on permanent transfer from PSG.
€80m package add-ons included starting from €55m as initial fee plus sell-on clause.
Understand contract to be valid until June 2027… Xavi will be one to watch already in the summer. pic.twitter.com/hqGs1NStsZ
— Fabrizio Romano (@FabrizioRomano) January 30, 2025
Оваа сума може да порасне во следните три години и парижаните на крајот би можеле да добијат дури 80 милиони, но тоа ќе зависи од учинокот на Симонс, постигнатите голови и асистенции, како и евентуалните освоени трофеи со Лајпциг.
ПСЖ во 2019 година го доведе Симонес како голем талент од Барселона. Тогаш имаше 16 години и доби договор на три сезони, но потоа го отстапија на Лајпциг, каде досега одигра 43 натпревари и постигна тринаесет голови.
Претходно беше и на позајамица во холандскиот ПСВ Ајндховен, каде постигна 19 гола и покажа дека поседува раскошен талент.
Прочитајте повеќе околу трансферите во Македонија и во светот на ОВОЈ линк.
