• Саше Љолес
Шведскиот напаѓач од редовите на Њукасл Јунајтед, Александер Исак, официјално е избран за играч на месецот во англиската Премиер лига.
Офанзивецот на „страчките“ беше во застрашувачка форма и во декември забележа дури осум гола и две асистенции, a неговиот вкупен досегашен учинок изнесува шеснаесет погодоци и пет асистенции во сите конкуренции.
Во моментов Њукасл е петтопласиран на табелата со 35 бода, а во следното коло ќе ја има фаворитската улога против Вулверхемптон на домашен терен.
