• Горан Упале
До пред Светското клупско првенство, Гонзало Гарсија не беше во плановите на тогашниот тренер на Реал Мадрид, Карло Анчелоти, и настапуваше за вториот тим на „кралевите“, но откако дојде Чаби Алонсо, а и се повреди Килијан Мбапе, 21-годишниот напаѓач е главна фигура во составот на шпанскиот гигант.
Тоа го покажа и на денешниот натпревар против Борусија Дортмунд во четвртфиналето од СКП. Гарсија повторно ги покажа своите голгетерски способности и во десеттата минута на асистенција на Гулер погоди за водство на Реал Мадрид од 1-0.
За младиот напаѓач тоа беше четврти погодок во петте настапи за планетарниот собир.
