Задачата на Струга ТЉ не можеше да биде потешка, Слован голем фаворит во Братислава

Македонскиот фудбалски шампион, Струга Трим Љум, вечерва се враќа на меѓународна сцена и ќе проба да го поправи впечатокот кој што го остави на ланскиот дебитантски настап, кога беше елиминиран уште во првото коло од квалификациите за Лигата на шампионите.

Од таму ќе тргне и оваа сезона, а задачата не можеше да е потешка. Стружани налетаа на великанот Слован Братислава, клуб кој минатата сезона ги мина групите во Конференциската лига на УЕФА. Поради името, но и фудбалерите со кои располага тимот од Словачка важи за фаворит против македонскиот првак. 

Струга во подготовките тргна со нов тренер, искусниот Ќатип Османи и доста звучни засилувања. Тимот од крај Охридското eзеро за ова европско лето, но и новата сезона во ПМФЛ се засили со поранешните репрезентативци Стефан Спировски и Кире Ристевски, пристигна талентираното крило Арби Воша, во мак-фудбалот се врати Стефан Јевтовски, а пристигнаа уште Дујмовиќ, Кехинде и Такахара.

Струга има свои амбиции во двомечот против Слован, меѓутоа реалноста е дека е аутсајдер на гостувањето во Братислава. Сепак, може да се очекува гол од македонскиот тим во првиот натпревар против Слован, па реваншот во Охрид да биде уште повозбудлив. 

Најнови вести од
УЕФА Лига на шампиони