• Горан Упале
Барселона и Реал Мадрид в недела ќе играат во финалето на шпанскиот Суперкуп, откако мадридскиот тим во полуфиналето ја совлада Мајорка со 3-0. Второто полуфинале беше одбележано по еден конфликт, во кој една од главните улоги ја имаше ѕвездата на „кралевите“, Винициус Јуниор.
Во текот на целиот натпревар, бразилскиот офанзивец беше во постојан конфликт со Аргентинецот од Мајорка, Пабло Мафео. Винициус како лево крило, и Мафео како десен бек, често пати беа во остри директни дуели. По еден таков Мафео го испровоцира Бразилецот и падна на најлесниот допир. Овој пат судиите добро ја проценија ситуацијата и не го казнија Вини како на дуелот со Валенсија од пред неколку дена.
Maffeo: I would knock out Vinicius in 10 seconds in a boxing match
Maffeo when he has Vinicius in front of him: pic.twitter.com/7pXgQoYSUW
— KM (@Kylian) January 9, 2025
Конфликтот меѓу двајцата во финишот на натпреварот прерасна во општо натегање меѓу екипите, кој заврши без посериозни физички пресметки. Конфликтот помеѓу Винициус и Мафео е стар неколку години. Аргентинецот еднаш доби црвен картон поради прекршокот над Вини и оттогаш меѓу нив владее нетрпеливост.
Their was a fight after the game due to the fact that Maffeo said he would beat Vinicius in a fight in 10 seconds. pic.twitter.com/sXDMFtLJ8F
— (@TeamVini7) January 9, 2025
Пред натпреварот самиот Мафео придонесе за тензиите на теренот да пораснат, бидејќи на прашањето за можен боксерски меч меѓу него и Бразилецот во паралелен универзум, тој одговори дека е сигурен дека ќе го нокаутира Винициус за 10 секунди.
