• Саше Љолес
Екипата на Севилја со драматичен пресврт го совлада Рајо Ваљекано со 2-1, а победничкиот гол беше постигнат од пенал во седмата минута од судиското продолжение.
Интересно е што двата гола за домаќинот беа постигнати од белата точка. Првиот пенал го реализираше Гуриди, додека вториот го погоди Пеке, за голем пресврт и победа на домаќините.
Токму вториот пенал предизвика жестоки реакции. Ситуацијата во која Лејун наводно го фаулираше фудбалерот на Севилја, Роби Уре, беше крајно дискутабилна.
le han pitado este penalti al Sevilla, enserio?
creo que es el mayor robo que he visto en mi vida. Los del VAR que hacian? pic.twitter.com/Pj4ApveaoL
— Downjuma (@Downjuma) August 15, 2026
Од достапните снимки не е лесно да се утврди дали воопшто имало контакт. Дури и ако Лејун го допрел Уре со врвот на копачката, интензитетот на контактот не изгледа доволен за напаѓачот да падне на начинот на кој падна.
Сепак, судијата остана на својата одлука, а ниту од ВАР-собата немаше реакција за преиспитување на досудениот пенал. Севиља успеа да победи и покрај тоа што во самиот финиш остана со десетмина на теренот, откако Кике Салас беше исклучен во 88. минута.
Со многу среќа и два реализирани пенали, Севиља успеа да направи пресврт и да ги освои првите бодови во новата сезона.
