• Мартин Танасковски
Одиграни се пет од вкупно седум натпревари во Втората македонска фудбалска лига (ВМФЛ), на која фаворитите на хартија си ја завршија задачата.
ГФК Охрид гостуваше кај Тетекс и забележа висок триумф од 3-0. Убедлив беше и Еуромилк, кој пред својата публика во Лисиче го надигра Шкупи со 4-0. Двоен стрелец беше Анчевски, по еднаш погодија Дамевски и Мифтари.
Детонит Плачковица на домашен терен го доби Осогово со 2-1. Победа забележа и Камјани против Новаци, со доцен гол постигнат во 85. минута. Единствениот натпревар без победник беше дуелот меѓу Кожуф и Беласица, мечот заврши 2-2.
На програмата во рамки на колото на ВМФЛ остануваат уште две средби, тие се играат утре, недела. Пелистер во Новаци ќе го пречека Работнички, додека Брера Струмица игра со Македонија ЃП.
