• Зоран Мишевски
Фудбалерот на Баер Леверкузен, Флоријан Вирц повторно е избран за играч на сезоната во Германија. 22-годишниот офанзивен играч од средниот ред доби 29,1% од гласовите, победувајќи ги Хари Кејн (20%) и Михаел Олисе од Баерн Минхен (17%).
Ова е втора последователна награда за Вирц, кој е единствен по Роберт Левандовски кој ја освоил наградата во две последователни години. Вирц го чека исходот од неговиот потенцијален трансфер во Ливерпул за сума од околу 150 милиони евра, што би бил рекорден трансфер за британскиот пазар.
Вирц денес ќе се приклучи на германската репрезентација пред полуфиналето на Лигата на нации против Португалија во Минхен.
