• Горан Упале
Нико Вилијамс одигра одлично на Европското првенство во Германија и беше еден од најдобрите фудбалери на новиот шампион Шпанија. Од првиот натпревар против Хрватска до последниот против Англија, тој ги излудуваше противниците и стана миленик на шпанската публика. Покрај тоа стана и желба на неколку европски гиганти, а летово беше најблиску до Барселона.
Каталонците летово сакаа да го доведат крилниот напаѓач од Атлетик Билбао, но поради тешката финансиска ситуација и ограничувањата што им ги наметна Примера се откажаа од таа намера. Затоа, како прв кандидат за Вилијамс се јавува неспоредливо порастворливиот Реал. Сепак, шпанските медиуми последните недели пишуваа дека тој сака да замине во Барселона.
Затоа вирално стана видеото со реакцијата на Нико на прашање на навивач за време на подготовките на Шпанија за претстојните натпревари од Лигата на нации. По тренингот, Вилијамс се приближи до трибините за да дава автограми.
Еден од нив го снимаше и го праша: Нико, доаѓаш ли во Реал следната сезона? Потпишувајќи го неговиот дрес, Вилијамс одговори: „Нема шанси, да не си луд?“.
Nico Williams: "No jodas."
JAJAJAJAJAJA QUÉ CRACK pic.twitter.com/U0IcVbdrLR
— REAL MADRID FANS (@AdriRM33) September 3, 2024
Шпанија во првото коло од новата сезона во Лигата на нации ќе се сретне со селекцијата на Србија.
