• Горан Упале
Капитенот на хрватската фудбалска селекција, Лука Модриќ не очајуваше премногу по загубените два бода против Велс. Тој е свесен дека такви исходи се случуваат, особено кога не се користат шансите.
„Штета, според сè што е прикажано, заслуживме да победиме, но фудбалот е таков. Кога не ги искористувате вашите шанси, следува казна. Но да продолжиме понатаму. Нè чека тежок натпревар во вторник“, изјави Модриќ пред новинарите на „Пољуд“.
Асот на Реал Мадрид не дозволи да биде вовлечен и да ја коментира себичноста на Крамариќ во првото полувреме, кога Хрватска водеше со 1-0.
<<< ПОВРЗАНО - Хрватите го најдоа виновникот за ремито со Велс, Перишиќ дури го пцуеше на теренот
„Нема потреба да се враќаме на тие ситуации. Моравме да го решиме натпреварот во првото полувреме. Имавме доволно шанси“, изјави Модриќ.
Следен противник на Хрватска во квалификациите ќе биде селекцијата на Турција, натпревар кој се игра во вторник.
