• Мартин Танасковски
Македонскиот шампион Вардар го доби финскиот КуПС за противник во првото квалификациско коло од Лигата на шампионите. Според денешната ждрепка, „црвено-црните“ првиот натпревар ќе го одиграат на домашен терен во Скопје на 7 или 8 јули, додека реваншот во Финска е закажан за 14 или 15 јули.
За Вардар ова ќе биде долгоочекувано враќање на најголемата европска сцена. Најтрофејниот македонски клуб последен пат настапуваше во квалификациите за Лигата на шампионите во 2017 година, кога во историската сезона го елиминираше Малме и стигна до групната фаза на Лига Европа, а во квалификациите се соочи и со дански Копенхаген.
КуПС е еден од најдобрите фински клубови во последните години и редовен учесник во европските натпреварувања. Тимот од Куопио е актуелен шампион на Финска и има значително европско искуство, што го прави сериозен предизвик за вардарци.
1. квалификациско коло за ЛШ:
Сабах (Азербејџан) - ТНС (Велс)
Флора Талин (Естонија) - Иберија Тбилиси (Грузија)
Тре Фиори (Сан Марино) - Ларне (Северна Ирска)
Вардар (Македонија) - КуПС (Финска)
Флоријана (Малта) - Шамрок Роверс (Ирска)
Линколн (Гибралтар) - Интер Ескаладес (Андора)
Арарат (Ерменија) - Рига (Летонија)
Жалгирис (Литванија) - Дрита (Косово)
Витебск (Белорусија) - Крајова (Романија)
Петрокуб (Молдавија) - Егнатиа (Албанија)
Борац БЛ (БиХ) - Левски (Бугарија)
Викингур (Исланд) - Ѓер (Унгарија)
Каират (Казахстан) - Сутјеска (Црна Гора)
Клаксвик (Ф. Острови) - Атерт Бисен (Луксембург)
