• Мартин Танасковски
Екипата на Тотенхем игра во одлична форма, но доживеа голем удар затоа што во следниот дел од сезоната ќе биде без крилниот играч Иван Перишиќ.
34-годишниот Хрват на тренингот доживеал тешка повреда. Се огласија „петлите“ и од Фудбалската федерација на Хрватска, од каде потврдија дека крилото ги скинало предните вкрстени лигаменти на коленото.
Поради повредата Перишиќ ќе мора да оди на операција и го чека долга пауза. Според најавите, Хрватот нема да може да игра фудбал најмалку пет месеци.
Перишиќ е во Тотенхем од 2022 година, а досега одигра 37 натпревари на кои даде еден гол.
