• Саше Љолес
Младиот македонски талент, Матео Кесиќ, ги задоволил вкусовите на управата на италијанскиот Сасуоло, каде минатите денови беше на проба за евентуален договор.
Кесиќ, кој од неодамна е младински репрезентативец на Македонија, настапуваше за српскиот тим Јединство УБ, каде раководната функција ја има славниот Немања Матиќ.
Токму на препорака на Матиќ пристигна во Сасуоло, а во наредните денови се очекуваат повеќе информации за евентуален потпис со членот на италијанската Серија А.
Засега, Кесиќ се враќа во Србија и повторно ќе се приклучи на зимските подготовки на Јединство. Талентираниот фудбалер ќе наполни 18 години на четврти февруари.
Прочитајте повеќе околу трансферите во Македонија и во светот на ОВОЈ линк.
