• Мартин Танасковски
Екипата на Гостивар продолжи да гради тим за највисоки дострели. Уште едно прволигашко засилување пристигна во лидерот во ВМФЛ кој полусезоната ја заврши без пораз.
Фисник Зука е нов член на ФК Гостивар. 27-годишниот лев бек доаѓа од редовите на Македонија Ѓорче Петров каде ја мина претходната полусезона. Низ кариерата Зука играше и за Шкупи, Работнички, Ренова и албански Фљамуртари.
Сигурно е дека Зука ќе биде од голема помош за Гостивар во борбата за остварување на највисоките амбиции, тоа е пласман во прволигашкото друштво како лидер во единствената ВМФЛ.
Претходно, гостиварчани ги донесоа Симе Христов, Рејан Абази и Гордијан Христовски.
Прочитајте повеќе околу тековните трансфери во Македонија и светот на ОВОЈ линк.
