• Иван Димовски
По осум години Џејмс Милнер ќе ги напушти редовите на Ливерпул. Универзалниот играч за врска дојде во клубот во најтешките години, а потоа беше дел и од шампионската генерација на Јирген Клоп.
Навивачите навистина го почитуваат, таков е и случајот со вработените во клубот. Поради тоа лицата задолжени за одржување на тревникот решија да му дадат уникатен подарок за збогум. Милнер си доби исечен дел од тревникот, поточно околу пенал точката.
„За Џејмс, по осум години уништување на нашите бели точки. Време е сега да водиш сметка за една самиот. Многу среќа во иднината“, пишува на посветата.
What a gift that is!No pressure there then, I better get my scissors and pink ruler back out!#practicemakesperfect#practiceannoysgroundstaff pic.twitter.com/CLMChjGg75
— James Milner (@JamesMilner) May 25, 2023
Објаснувањето е дека тој осум години им ги уништувал белите точки на „Енфилд“, па поради тоа си доби една за сам да ја одржува.
