• Мартин Танасковски
Англија, Ирска, Шкотска и Велс, домаќините на Европското првенство во 2028 година, ќе учествуваат во квалификациите, но само две од нив ќе имаат загарантиран пласман на турнирот доколку не се квалификуваат преку регуларниот пат, објави УЕФА.
Како што одлучи Извршниот комитет на УЕФА на состанокот во Билбао, домаќините ќе бидат извлечени во посебни групи. 12-те победници во групите и осумте најдобри второпласирани (вкупно 20 екипи) ќе се пласираат директно на финалниот турнир.
Доколку не се квалификуваат директно, две места се резервирани за двата најдобро рангирани домашни тима. Преостанатите места ќе бидат пополнети преку плеј-оф, во кој ќе играат второпласираните од квалификациските групи и најдобрите екипи од Лигата на нации 2026/27 кои не се пласирани.
Европското првенство во 2028 година ќе се игра на девет стадиони во Велика Британија и Ирска.
