• Саше Љолес
Европската фудбалска унија (УЕФА) е подготвена да ја поддржи иницијативата на ФИФА за проширување на Светското клупско првенство, по силниот притисок од најголемите европски клубови.
Според најавите, турнирот би можел да биде проширен од 32 на 48 екипи, што значително би го зголемило бројот на европски претставници. Овој потег е во интерес на најмоќните клубови кои бараат поголемо присуство и поголеми финансиски приходи од глобалните натпреварувања.
Се наведува дека дел од европските гиганти, меѓу кои и Реал Мадрид, претходно изразиле желба турнирот да се одржува почесто, но засега останува форматот на четири години.
Овој развој на настаните покажува дека УЕФА е подготвена на компромис со највлијателните клубови, што може да донесе нова ера во организацијата на меѓународните клупски натпреварувања и дополнително да ја засили финансиската моќ на европските великани.
