• Саше Љолес
Европската куќа на фудбалот (УЕФА) изрече казна за навивачите на полскиот клуб Легија и им забрани присуство на северната трибина од стадионот на натпреварот од Конференциската лига, каде тимот од Варшава загуби од норвешкиот Молде со убедливи 0-3.
Најжестоките фанови на Легија не смееја да се сместат на нивните вообичаени места, но тие најдоа начин како да се појават на стадионот и ја испровоцираа УЕФА со нова и скандалозна кореографија. На северната трибина стоеше паролата „УЕФА овој пат победи“, но тие се појавија на источната трибина и истакнаа интересен транспарент.
UEFA closed Legia Warsaw's ultra section for tonight's game
Their response: pic.twitter.com/ZHKMYw7JSY
— Troll Football (@TrollFootball) February 22, 2024
Дел од полските хулигани на социјалните мрежи пишуваат дека „УЕФА доживеала понижување во Варшава“, но тоа сигурно ќе предизвика и дополнителни казни за клубот, како и евентуална долга забрана за присуство на навивачите, а ништо чудно и клубот да добие голема парична казна за нивното однесување.
