• Сашо Поповски
Европската куќа на фудбалот ја одбра Холандија за домаќин на завршниот турнир на овогодишната Лига на нации. Ждрепката за завршниот турнир ќе се одржи во јануари, а во неа нема да има носители.
„Лалињата“ ќе имаат можност да играат на домашен терен, во Ротердам и Еншеде. Покрај Холанѓаните, на турнирот ќе се појават Хрватска, Италија и Шпанија.
Ждрепката за полуфиналните парови ќе се одржи во јануари во седиштето на Европската фудбалска федерација во Нион, а засега е познато дека полуфиналните натпревари ќе се играат на 14 и 15 јуни, додека натпреварот за трето местото и големото финале се закажани за 18 јуни.
Португалија и Франција се победници на првите две изданија на ова ново натпреварување на УЕФА.
