• Саше Љолес
Европската фудбалска асоцијација (УЕФА) донесе одлука со која повторно им се дозоволува настап на руските репрезентации во сите натпреварувања, но само во младинските категории.
Руските момчиња и девојчиња не смееја да се натпреваруваат со своите врсници откако започна воената инвазија на Украина, но УЕФА конечно даде „зелено светло“ и сите тимови од У15 до У21 одново ќе имаат шанса за настап во квалификациите за ЕП и СП, како и во Лигата на нации.
Од УЕФА изјавија дека долго размислувале за одлуката, но решиле дека децата и младинците не треба да бидат жртви на политички пресметки и одлуки, па затоа им дозволија на младите репрезентации повторно да се најдат во друштво на сите останати. Оваа одлука не се однесува на сениорскиот тим на Русија, и за „зборнаја“ сѐ уште важи целосната суспензија од сите натпреварувања.
