УЕФА бира меѓу два кандидати за организација на завршниот турнир во ЛН

Лигата на нациите ќе добие разврска во јуни, а Европската фудбалска федерација (УЕФА) бира меѓу две земји за домаќинство. 

Според германската информатичка агенција „ДПА“, познато е дека УЕФА ќе одбира меѓу два кандидати за домаќин. Се работи за Германија и Италија, две репрезентации кои ќе играат меѓусебе во четвртфиналната фаза. Подобриот од овој дуел во потенцијалното полуфинале би играл со победникот од мечот меѓу Холандија и Шпанија. 

Вториот полуфинален пар ќе го сочинуваат победниците од натпреварите меѓу Данска и Португалија, односно Хрватска и Франција. 

Инаку, завршниот турнир во Лигата на нациите ќе се одржи од 4. до 8. јуни следната година.